الضفة الغربية حالة الطقس

صراحة اللي بصير في الأغوار كارثة وظلم بكل معنى الكلمة

صراحة اللي بصير في الأغوار كارثة وظلم بكل معنى الكلمة

13:28

2020-06-04

عكس التيار

صراحة اللي بصير في الأغوار كارثة وظلم بكل معنى الكلمة، في حوالي ١٠٠٠ دونم بطيخ زرعهم فلاحين فلسطينيين من ضمن أرضهم المهددة بالمصادرة والضم من قبل الاحتلال، وكل يوم أطنان بطيخ بتخرب وبتم اتلافها وبضلها بدون قطف في الارض بسبب إغراق السوق الفلسطيني بالبطيخ الإسرائيلي. أحد المزارعين في لقاء معي حكالي مستعد ابيع كيلو البطيخ لاي حد بيجي ويحمل على نص شيقل ولا يخرب ببلاش. واحد ثاني بحكيلي زرعت ٦٠ دونم بطييخ خرب منهم ٥٠ دونم وضل عندي ١٠ دونم بتامل أبيع منهم. الفلاحين عندهم استعداد على تحدي البطيخ الاسرائيلي في الجودة والسعر. هاي دعوة لحماية المستهلك والجمعيات والمبادرات الشبابية ينظموا حملات توعية وبيع لمنتجات الأغوار. * التفاصيل في تقرير صحفي قمت باعداده لموقع الترا فلسطين مرفق في التعليق الأول. بالمناسبة بدنا تحية وسلام في العالي لخطة العناقيد وخطة تعزيز صمود وتمكين الفلسطيني في الأغوار.

✍️محمد غفري