الضفة الغربية حالة الطقس

تساؤلات من مواطن لرئيس الوزراء محمد اشتيه

تساؤلات من مواطن لرئيس الوزراء محمد اشتيه

01:19

2020-06-11

عكس التيار 

تساؤلات من المواطن/ حاتم فراش
لرئيس الوزراء محمد اشتيه

حين قمت بطرح سؤال (بدكم وطن ولا بدكم فلوس)
هذا السؤال لمين كان موجه بالضبط؟!
للموظف الي بقبض ٣٠٠٠شيقل ما بيجي نص الشهر ولا هو ملحوق ولا للعامل الي بصحى من اذان الصبح يقدح ١٠ساعات شغل عشان في اخر النهار يقبض ١٠٠شيقل بروح بلقى جرة الغاز خالصه وكرت الكهرباء بده شحن وبالتل باعتلو تهديد بالسجن أو التسديد.

ولا السؤال موجه للاستغلاليين مثل "وطنية، جوال، بالتل، شركات النت" وأصحاب رؤوس المال يا معالي رئيس الوزراء
ابني طلب مني مصروفه مديت أيدي على جيبتي اتذكرت سؤالك وسألته يابا أنت بدك وطن ولابدك فلوس ابني طلع أشطر مني ومنك حكالي يابا الي بده يبني وطن لازمه مصاري وعشان نقدر نبني وطن لازم نحط حد لا للاستغلال رجال الأعمال ولاد الحرام الي بستغلو في لقمة الفقير
يا معاليك أنزل على الشارع وشوف مين الي ماسكين الوطن بتلاقيهم هم نفسهم الى ماسكين لفلوس