الضفة الغربية حالة الطقس

محمد اشتية مطالب بالإجابة عن الأسئلة

محمد اشتية مطالب بالإجابة عن الأسئلة

10:05

2021-02-27

كل الدول عانت من كورونا، بس مش كل الدول قعدت تستنى حدا يشفق عليها بلقاح.. 

كل الدول اكتشفت انه قطاعها الطبي بده تطوير، بس مش كل الدول وظفت ناس بالواسطة بنص الجائحة وهدت ثقة الناس بقطاعهم الصحي بدال ما ترممها..

كل الدول عندها نقص لقاحات، بس مش كل الدول وزعته على المسؤولين وعائلاتهم..

والدول اللي انمسك فيها حدا فاسد اخد لقاح قبل دوره، هادا الفاسد اقالوه!

المهم، عشان صحتنا مش لعبة بايدكم ومكان تمارسوا فيه فشلكم..

اليوم بالمؤتمر الصحفي رئيس الوزراء مطالب يجاوب على هاي الأسئلة، او ما يطلع احسن.. 

1- شو عملنا لتطوير قطاعنا الطبي (بالأرقام) قديش زدنا أسرة وأقسام وأجهزة تنفس وأدوية؟

2- ايمتى جاي اللقاح وقديش جاي، اي يوم واي ساعة ومن مين؟ وليش ما طالبنا إسرائيل بتحمل مسؤولياتها

3- اللقاحات اللي وصلت مين اخدها وشو إجراءات محاسبتهم؟

4- الإغلاق عشان شو؟ مين بده يطعمي ويسقي الناس؟ وشو بنستنى؟ الدول بتغلق لحد ما تطعم كبار السن، احنا بنغلق عشان شو؟؟ شو رح يختلف كمان اسبوعين؟ رح نرجع نفتح ونرجع لنفس القصة؟

5- وزيرة الصحة رح تستقيل ولا بدها تكمل معنا سلسلة إنجازاتها؟

وشكراً لكم