الضفة الغربية حالة الطقس

#حكومة_خلص_وقتها

#حكومة_خلص_وقتها

20:16

2021-03-13

عكس التيار

لما الموضوع يتعلق بحياة البشر، فالمسؤول هو المسؤول وهو من يجب ان يحاسب وبأكبر قدر من العقوبة،
لما الموضوع بتعلق بحياة البشر فش مجال للخطأ ولا للخلل الفني ولا لانقطاع التيار الكهربائي
لما الموضوع بتعلق بحياة البشر فش مجال تقول المواطن لا مبالي
تصريحات الناطق باسم وزارة الصحة اليوم تسقطه في امتحان ما بعد العام من الجائحة.
هذه الحكومة فشلت بكل المقاييس
قطاع صحي مهترىء .. فساد في توزيع عدد لا يذكر من اللقاحات
تصريحات مسؤولين غير مسؤولة وبش شغل حكي
على الحكومة ان تنزل للشارع وتشاهد بأم عينها ما يحدث في مشافي كورونا .. مجمع فلسطين الطبي برام الله، مشافي العسكري. الهلال في نابلس وغيرها من المشافي.
ما وصلني من معلومات..
* في نابلس مشفى الهلال يمنع ابنة مريضة هي ممرضتها اصلا من مرافقتها داخل غرفة العناية، واصلا عدد الاطباء المناوبين هو طبيب واحد وقد لا يزيد عن ثلاثة "كيف بدهم يلحقوا؟"
* النقل بالاسعاف داخل مدينة نابلس تكلفته لا تقل عن 300 شيكل وتصل ل600 للسيارات المزودة بعناية مكثفة.
* اجرة الاشخاص ممن يقومون بتغسيل موتى كورونا الف وثمانمئة شيكل وبعد المفاصلة بتوصل لألف.
* في رام الله هناك تخفيض لكميات الاكسجين عن مرضى كورونا مرتين يوميا الساعة 12 ظهرا والساعة 4 مساء.
واليوم في توصية بالاغلاق، كل اشي الا البنوك .. يعني شيكات الناس ترجع عادي المهم رؤوس الاموال تعبي كروشها، طيب الي عنده شك اليوم ومعه قيمته ومش عارف شو بده يصير بكرة وعارف مش رح يجي دخل، ليش يحط قيمة الشك!!
سكري عن الناس خوازيقها يا حكومة!!
من ١٣ شهر، ما شفت الحكومة طلعت حكت مسامحين الناس الي دخلهم اقل من ٤٠٠٠ شيكل بضرايل السنة الماضية، ليش؟؟ بتقدروش تسدهم من جياب رجال الاعمال؟
بطلعوا يحكوا اغلاق، وبعملوا حواجز، والف سيارة عالحاجز ولا وحدة منهم بترجع مطرح ما اجت، ومخالفات ومخالفات وعالفاضي ..
الحكومة بتعرف انه في شركات ووزارات بتجبر موظفينها تداوم!! ولا بتمونش عليهم؟
بعدين يا عمي هو فش مسؤولين بالبلد، حدا يطلع غير وزيرة الصحة، وين الوزراء الثانيين .. وين رئيس الحكومة؟؟ ينزل عمجمع فلسطين الطبي كبسية، بنفعش معه!!
بعدين يا جماعة كورونا، بتضرب بالكل، وانتوا خالفتوا الاعراس الانسانية وباركتوا الاعراس الوطنية، فمين بده يوثق فيكم؟؟
الصحفي/ حافظ أبو شبرا