الضفة الغربية حالة الطقس

بعد مصر والأردن .. مرضى كورونا يموتون في الاقسام بسبب نقص الاكسجين في مستشفيات رام الله .

بعد مصر والأردن .. مرضى كورونا يموتون في الاقسام بسبب نقص الاكسجين في مستشفيات رام الله .

02:42

2021-03-14

قال المواطن محمد برجس عبر صفحته على فيس بوك بعد وفات والدته داخل المشفى في رام الله : " يا حبيبتي يما يا عمري يما انا نمت كانو كابوس صحيت ادور عليكي بدي اياكي ذابت عيوننا حسبي الله ونعم الوكيل الي صار مع امي انو قطعت الكهرباء مدة ربع ساعة .. هاد غير قطع امدادات الاكسجين عن المرضى بحجة فش اكسجين ... بهاي المدة مات 5 ... مع امي مهجة قلبي الله يرحمك يارب .. نحتسبك عند الله شهيدة في يوم الجمعة وايام مباركة .. يارب خذ حقنا ...يا جماعة حكي كتير كنت اكتبوا واحذفوا عن الي بصير بالمشفى بس كنا نتعرض دايما لتهديد ....توجهت انا ل د. مي الكيلة حكت جبنالهم اكسجين والله قالتلي هيك ..رحت ع مدير المشفى وقال بقمة الاستهتار روحي اشتكي علينا...حسبي الله ونعم الوكيل يارب ...امي حاولنا كتير ننقلها بس رفضوا ومن قمة الوساخة والاهمال صابت امي جرثومة بلجهاز التنفسي ...احتسبها شهيدة بإذن الله ...احنا رفعنا ملف قضيتنا لله الجبار وعند الله تجتمع الخصوم ...


واكد برجس انه يمتلك مواد مصورة تثبت ما حصل داخل الأقسام من موت للمرضى نتيجة نقص الاكسجين وقال : "في معي فيديوهات راح انشرها لما كان ينقص الأكسجين وتنطفى المحطات الرئيسية في قسم العظام كورونا كنت اوثق وادخل ع كل المرضى واشوف كيف نسبة الاكسجين عندهم ما كنت اقدر ادخل ع العناية بس والله كل ما كان ينزل الاكسجين بلقسم كان يموت بعد ربع ساعة نص ساعة حالتين وثلاث بكرا راح انشرل الفيديوهات شاركوهم لتوصلو الصورة عنهم حسبي الله ونعم الوكيل "



شهادات مرعبة من داخل مستشفيات الضفة لمواطنين فقدوا ذويهم نتيجة الاهمال الطبي وفشل الحكومة والمنظومة الصحية بادارة الأزمة ..